Idi katengngaan ti 2010, napanunotmi ken
dagiti kakaduami iti banda a Samtoy (ni Mighty C. Rasing, ken da Dick Francisco
ken Melvin Ramos) ti agbasa iti daniw a ti background music-na ket rakenrol.
Kasla met laeng iti panagbasa iti daniw iti radio. Laeng ta no iti radio,
ad-adda a ti "Faithful Love" ti background music, orihinal a musika a
rakenrol kadakami ken ti klase ti daniw, daytay umarngi iti rap a medio adda
angasna a patama wenno socio-cultural commentary. Isu a naipasngay ti
"danirak" manipud iti daniw ken rock.
Maisupadi
ketdi daytoy iti Jazz nga inar-aramat ti panawen da Allen Ginsberg, ken
pinalatak iti Filipinas ti Radioactive Sago Project ni Lourd de Veyra.
Kadakami,
blues rock (koma) ti kangrunaan a tunogna. (Nupay addakami pay laeng iti panangdiskobre
no ania ti mayannatup a musika iti Daniw Ilokano.)
Daytoy
man ngarud ti "One for the Road" a maysa kadagiti danirak ti Samtoy:
No comments:
Post a Comment