(ruknoy
iti daydi Ama Aurelio)
no mano a
tawen a tinapayam ti init
timmakderka
iti siplag ti bagyo
dinadang
dagiti karit ti durim
uray ti
lansa a naiwekwek iti bakrangmo
nangrukod
laeng no manon a gerger ti pigsam
a
nangsango kadagiti allawig kada nepnep
ngem no
apay ketdi a nabaybay-an dagiti anay
a
simmalipengpeng kadagiti abagam
saannaka
a naikanawa dagiti lualo
ta
pasmaennaka dagiti agas a nabayagen
nga
inyatangmo iti pagbasuraan.
dinaka
kinabaelan a rinirit ti demakina a ragadi
ngem
nabileg ti wasay a nangdaleb kenka
ket
inlinongmon ti bukodmo nga init
iti tabla
a pagtaengamon iti agnanayon.
--JONATHAN
B. TORRICER
Allacapan,
Cagayan / Honolulu, Hawaii
(Naipablaak
iti Bannawag, Agosto 6, 2012 a bilang.)
No comments:
Post a Comment