Saan nga
agnanayon a bilangek ti tawenko
Ta
nataenganak unayen ngem sumagmamano
Kadagiti
kayo ti nabati, iti panagmaga ti waig
Wenno
panagdakkel ti danum iti dan-aw;
Nataenganak
unayen kadagiti nagtaudan a puli
A
nabayagen a timmapok.
Sumagmamano
kadakuada ti napan iti ballasiw-taaw
Nagpukawda
sadiay; dagiti dadduma ginabutda
Ti ramut
ken insilpoda iti puon nga aangsak
Ita,
mariknak ti agpitpitik iti sibibiag a puso
Ken ti
iseserrek ti dara kadagiti uratko.
Sika a
nangitipon iti dara kaniak,
Kenka,
sibibiagak.
Kenka,
adda biag a kinabuslon
Agpapigsaka
a mangisalakan iti lasag
Manipud
kadagiti apuy a manggungtob
Tapno
mailiklik daytoy pusok iti nakana a liday.
Iti maysa
nga aldaw malawlawaganto
Dita puso
ti mabalin a pamedped iti waw
Iti
panangbirok kadagiti narimat a bituen.
Ngem
bendisionakto ti panagbiahem ken agurayak
Agingga
iti panagsublim ditoy arpad
Iti
kabakiran ken iti namaga a waig—
Namnamaem
nga addaakto sadiay.
--RUDY
RAM. RUMBAOA
(Naipablaak
iti Bannawag, Hulio 30, 2012 a bilang.)
No comments:
Post a Comment