Bay-am a
belnasannaka
dagitoy
bibig kalpasan
ti
panagkalintuduam kadagiti sayyet
a silaw.
Bay-am
a susopek
dagiti sensilio
a
nagtagilanga a serbesa
nga
inkidkidemmo a linidok.
Ipalagipko
ti pudno a gatadmo
a saan a
marukod dagiti mata
a
sumarsarut aginggat' sarming iti entablado.
Nasipnget.
Ngem
bay-am a pagandapennaka dagitoy apros.
Appupuek
‘ta rupam,
ket agkak
dagita kurimatmat;
punasek
ti kinapiman,
ramanam
imas ti namnama
iti
panagtulatid dagita matam.
Ita a
rabii,
ipalagipko
kenka ti pudno a naganmo
saan
ketdi a bumbuniagannaka
ti
sipnget iti agduduma a nagan
bayat
panagparintumengmo iti sango
ti
barbonan a dios.
Ita a
rabii,
yarasaasko
ti naganmo
iti timek
ti maysa nga arkanghel.
Pagpakadaek
ti panagduaduam iti lubong;
patiem a
maipasngay ita ti pudno a langit,
buniaganta
daytoy iti inta panangalimpatok.
--DEXTER
A. BIZ
Sta.
Teresita, Cagayan / Makati City
(Naipablaak iti Bannawag,
Septiembre 12, 2012 a bilang.)
No comments:
Post a Comment