Awisenka
man, Salvacion, a rummuar uray apagbiit
Ta
‘apanta pagustuan ti rikna a mapudotan bassit
Nabayag
san daydi naudi nga inta nagkaduaan
Ket ita
man koma, Salvacion, duduata la’ng.
‘Apanta
man agkape.
Nagpaiduma
unay, Salvacion, ti agigup ‘ta sanguanam
Iti
napudot pay la’ng a kape a napnuan raman
Ti
mangtilmon, mangnanam iti kape a kaiimasan
Anian nga
imnasna, Salvacion, no duduata la’ng.
‘Apanta
man agkape.
Inayadekto
nga iggaman, Salvacion, ti aglingling-et a baso
Ket
ibatogko iti magagaran unay nga agongko
Say-upekto
a yuneg ditoy mawaw a barukongko
Ta imasek
man ti ayamuom ti kape a nakabangbanglo
‘Apanta
man agkape.
Ket
igupekto ti likido, Salvacion, bayat a matmatmatak ‘ta pintasmo
Maimaskonto
ti pait a gapu’t napaut a pannakapabpaburek
Maramanakto
ti sam-it a naitibnok, kas kasam-it dagita isemmo
Mapnekakto
iti nanam ken pudot ta sikat’ innak kasango
‘Apanta
man agkape.
Ngem
anusak pay la’ng, Salvacion, ti agkape a sisiak
Baklayek
pay la’ng a dusa ti kinatakrotko a mangipalgak
Punasekto
dagiti ling-et ti baso, ipuyotkonto ti asuk a napudot
Igupekto
ti kape a nangisit nga awanka ditoy sangok.
‘Apanak
man agkape
Ta
aglemmesak pay la’ng iti kinapudno a napait.
--EPHRAIM
V. DOMINGO
SLU
Baguio City
(Maika-2 a Gunggona iti
On-the-Spot Poetry Writing Contest iti Pasnaan 2012, ti Maika-3 a Literary workshop
ti GUMIL Filipinas, a naangay idi Hunio 1-3, 2012 iti Doña Josefa Edralin
Marcos Elementary School, Currimao, Ilocos Norte ken nagpaayan ni EVD a Writing
Fellow iti Daniw. Nagpaay a hurado iti salip da Joel B. Manuel, Daniel L.
Nesperos ken Roy V. Aragon. Naipablaak iti Bannawag, Hunio 25, 2012 a bilang.)
No comments:
Post a Comment