Agar-arakan
dagiti paidam
Kas iti
tukaktukak iti rabaw ti dapan;
‘Imbag
pay koman ti agarakan
A
panagbutuan iti dakulap ken dapan
Uray
kaskasano adda mayasin a kilabban.
Rapas
dagiti mayawat a dakulap
Pawad
dagiti maisinggalut a takiag;
‘Imbag
pay ti maitulag nga ammuyo
Iti dila
ti pugot ta uray kaskasano
Kasla
umay nga arbis iti Mayo.
Ngem uray
awan la ti awan iti lamisaan
No la ket
di agarakan dagiti paidam;
Mapnek
latta ti sabong iti linnaaw,
Lumasat
latta ti kisang a di agsaraaw
Kas
lumbes a kalgaw, di naliputan ti ugaw.
Ay, ngem
uray agar-arakan dagiti paidam
Matnag
latta dagiti ulep a makimatan,
magurruodan
Uray
dagiti uong, agtubo latta a di maappelan;
Agtaraok
ti kawitan, ti init sumiray iti lulonan;
Ti tudo
umay iti kalgaw
Ti nepnep
umay kas natudingan.
Ngem adu
latta dagiti nasiglotan a panio, malislisayan
Kas iti
panio ni Atong a nangkimar
Iti adu a
pisos ken doliar.
--JOHMAR
R. ALVAREZ
Ballesteros,
Cagayan
(Naipablaak
iti Bannawag, Hulio 9, 2012 a bilang.)
No comments:
Post a Comment