Iti
daytoy a sardam
A
maisupadi kadagiti naglabas a sardam
Maugasan
manen
Ti
sumsumga nga alsong
Mailingta
ti dippig
Nga iti
puon, pinaluom ti panawen
Naaywanan
manipud kadagiti agaagab
Ken
ngilaw nga agsilud
Samiweng
ti sardam
Ti maulit-ulit
A
pannakaigusod
Natangken
nga al-o
Aglag-oy
dagiti patong
Agrag-o
ti barukong
Maipisok
ti getta,
Ti
margarina, ti asukar
Dagiti
ramen
A
mangpasam-it
Iti
nasam-iten nga isem
Ay,
nagkilnet
Wen,
nagnanam
Ti
lubilubi a nalebbek
Ta
mapedped ti bisin
Ken
pannakaila
Iti
daytoy a sardam a maisupadi
Kadagiti
sabsabali pay a sardam.
--LEILANIE
G. ADRIANO
Pudtol,
Apayao
(Naipablaak
iti Bannawag, Agosto 22, 2012. Nairaman iti Alimpatok, antolohia dagiti erotiko
a daniw dagiti Ilokano, c2012 ti Saniata Publications.)
No comments:
Post a Comment