kasinnaranaykot'
aglalannay a tanuktok
ti
martilio a gusing; katagnawak
nariri a
karadakad ti pala, nagurdo a barat
inoras,
inaldaw iti sirok ti dagaang
maslepak
iti ibuyat di maawatan a tangatang—
Ket
dagdagek ti malem:
kadagitoy
dagiti dakulap
mariknak
ti apaganem-em a bara
dagiti
kumalangiking a sensilio...
ti gatad
ti agmalem a pannakaiprenda
ti
ling-et, karadkad ken dara
dina
maep-ep ti umukuok a palteg
dagiti
nataltal a ramay—
dumteng
ti rabii
agpakaasiak;
iginadna koma a ‘yeg ti bigat
makapautoy
ti inaldaw a panangdagdag
iti
agud-udaod a malem.
--NARGLON
C. UTANES
Buguey,
Cagayan
(Naipablaak
iti Bannawag, Mayo 16, 2012. Nabulod laeng ti ladawan ket siak ti nangbaliw iti
marisna.)
No comments:
Post a Comment