Awan
liwaymo a mangsarungkar
Itoy
numo; uray di pay nagngalay ti Hulio
Sika a
mensahero ti lagip
Pammarikna
dagidi impatpateg
Umayka
iti apagdarikmat a kas iti layap
Kas itay
kanikadua a rabii
Immayka,
awan arimpadek
Dinapadapmo
‘toy muging
Indasarmo
ti balonmo
Ladladawan
daydi nanangko
Imbitinmo
ida a tallo
Kastan,
ayat’ langa ‘di dakkelko?
Naubon a
sabong arkos ti buok
Edad a
kas ‘di pay naglimapulo
Diak
mamira ti kailiwko a rupa
Ta inna
man piman inkanawa.
Ah,
Agosto, sika itan
Mangyiliw
‘di impanawmo
Idi
intudingmo a panagani
Intulokmi
ta malpes idin ti apit
Lagidawek
laeng
Pagaammom
a tallo ti pinurosmo
Apay ama
ken ading dimo ikarayo
Uray iti
tagainep ipaidammo?
Ala,
nasingedka unay itan
Iti
tinawentawen, segseggaankan.
--ALEGRIA
T. VISAYA
Bacarra,
Ilocos Norte
(Naipablaak iti Bannawag, Agosto
27, 2012 a bilang.)
No comments:
Post a Comment