Rumabii,
kumudrep ti gangat ti kingki,
Mamagaanen
pabelona
Iti
diding, agsarimadeng dagiti alutiit
Agpasulidan;
taraknendan ti bussog:
Agin-innangawda
itay; pagin-innagawanda
Ti bassit
a kulibangbang a tuktukmaan
Agingga a
naammalan 'diay maysa
Kimmammet
'diay maikadua nagpapasda
Nagpinnaranud,
naggingginnuyodda.
Iti ruar,
napuskol dagiti ulep
A nangabungot
iti tangatang
Nagpukawen
‘diay bulan, a ti silnagna
Kumotannak
koma iti umas-assibay a lamiis
Bayat
panangpaspasungadko kenka.
Ket
dimteng ti bayakabak
Linayusna
ti kasipngetan, ket ditoy sibay
Nagsala
ti dila ti apuy ti kingki, sumsumga.
Maallingagko
ti tabbuga ti tudo iti atep
Ti
agsinsinnublat a sanaltek
Dagiti
nariing nga alutiit.
Inton
bigat, inton bigat a sumirnaat,
Ammok nga
addakanto lattan
Iti
ruangan ti ur-urayek a sardam
Parubrobentanto
ti kingki,
Kas idi,
pagkantaentat' apuyna
Danggayantat'
panagsalana
Ket
kadagiti anniniwanta iti diding
Dagiti
alutiit agin-innagawda latta
Iti
mayaw-awan a lamut.
--ROSALIE
A. BARNACHEA
Burgos,
Isabela / Hong Kong
(Naipablaak
iti Bannawag, Oktubre 15, 2012 a bilang.)
No comments:
Post a Comment